ຂ່າວ

ຫຼາຍປະເທດ, ລວມທັງເອຢິບ, ສະຫະລັດອາຣັບເອມີເຣດ, ຈໍແດນ, ອິນໂດເນເຊຍ, ບຣາຊິນ ແລະ ປາກີສະຖານ, ໄດ້ອະນຸຍາດໃຫ້ວັກຊີນປ້ອງກັນພະຍາດໂຄວິດ-19 ທີ່ຜະລິດໂດຍຈີນນຳໃຊ້ເພື່ອການສຸກເສີນ. ແລະ ຫຼາຍປະເທດອີກ, ລວມທັງຊິລີ, ມາເລເຊຍ, ຟີລິບປິນ, ໄທ ແລະ ໄນຈີເຣຍ, ໄດ້ສັ່ງຊື້ວັກຊີນຈາກຈີນ ຫຼື ກຳລັງຮ່ວມມືກັບຈີນໃນການຈັດຊື້ ຫຼື ຈຳໜ່າຍວັກຊີນ.

ລອງມາກວດສອບລາຍຊື່ຜູ້ນຳໂລກທີ່ໄດ້ຮັບການສັກຢາວັກຊີນຈາກຈີນ ເຊິ່ງເປັນສ່ວນໜຶ່ງຂອງການໂຄສະນາສັກຢາວັກຊີນຂອງເຂົາເຈົ້າ.

ປະທານາທິບໍດີ ອິນໂດເນເຊຍ Joko Widodo

ປະທານາທິບໍດີ ໂຈໂກ ວິໂດໂດ ຂອງອິນໂດເນເຊຍ ໄດ້ຮັບວັກຊີນປ້ອງກັນພະຍາດໂຄວິດ-19 ທີ່ພັດທະນາໂດຍບໍລິສັດຢາຊີວະພາບ Sinovac Biotech ຂອງຈີນ ທີ່ທຳນຽບປະທານາທິບໍດີ ໃນນະຄອນຫຼວງຈາກາຕາ, ປະເທດອິນໂດເນເຊຍ, ວັນທີ 13 ມັງກອນ 2021. ປະທານາທິບໍດີຄົນນີ້ແມ່ນຊາວອິນໂດເນເຊຍຄົນທຳອິດທີ່ໄດ້ຮັບວັກຊີນ ເພື່ອສະແດງໃຫ້ເຫັນວ່າວັກຊີນນີ້ປອດໄພ. [ຮູບພາບ/ຊິນຫົວ]

ໃນວັນທີ 11 ມັງກອນ 2020, ອິນໂດເນເຊຍ ຜ່ານອົງການຄວບຄຸມອາຫານ ແລະ ຢາ ໄດ້ອະນຸມັດໃຫ້ວັກຊີນປ້ອງກັນພະຍາດໂຄວິດ-19 ຂອງບໍລິສັດຢາຊີວະພາບ Sinovac Biotech ຂອງຈີນ ນຳໃຊ້.

ອົງການດັ່ງກ່າວໄດ້ອອກໃບອະນຸຍາດໃຫ້ໃຊ້ວັກຊີນສຸກເສີນຫຼັງຈາກຜົນການທົດລອງໄລຍະສຸດທ້າຍໃນປະເທດສະແດງໃຫ້ເຫັນອັດຕາປະສິດທິພາບ 65.3 ເປີເຊັນ.

ປະທານາທິບໍດີ ໂຈໂກ ວິໂດໂດ ຂອງອິນໂດເນເຊຍ ໄດ້ຮັບການສັກຢາວັກຊີນປ້ອງກັນພະຍາດໂຄວິດ-19 ໃນວັນທີ 13 ມັງກອນ 2021. ຫຼັງຈາກປະທານາທິບໍດີ, ຜູ້ບັນຊາການທະຫານອິນໂດເນເຊຍ, ຜູ້ບັນຊາການຕຳຫຼວດແຫ່ງຊາດ ແລະ ລັດຖະມົນຕີກະຊວງສາທາລະນະສຸກ, ແລະ ຄົນອື່ນໆ ກໍ່ໄດ້ຮັບການສັກຢາວັກຊີນເຊັ່ນກັນ.

ປະທານາທິບໍດີຕວກກີ Tayyip Erdogan

ປະທານາທິບໍດີຕວກກີ Tayyip Erdogan ໄດ້ຮັບວັກຊີນປ້ອງກັນພະຍາດໂຄໂຣນາໄວຣັສ CoronaVac ຂອງບໍລິສັດ Sinovac ທີ່ໂຮງໝໍເມືອງ Ankara ໃນເມືອງ Ankara, ປະເທດຕຸລະກີ, ວັນທີ 14 ມັງກອນ 2021. [ຮູບພາບ/ຊິນຫົວ]

ຕຸລະກີໄດ້ເລີ່ມການສັກຢາວັກຊີນປ້ອງກັນພະຍາດໂຄວິດ-19 ຈຳນວນຫຼວງຫຼາຍໃນວັນທີ 14 ມັງກອນ ຫຼັງຈາກເຈົ້າໜ້າທີ່ໄດ້ອະນຸມັດໃຫ້ໃຊ້ວັກຊີນຈີນຢ່າງສຸກເສີນ.

ພະນັກງານສາທາລະນະສຸກຫຼາຍກວ່າ 600,000 ຄົນໃນປະເທດຕຸລະກີໄດ້ຮັບວັກຊີນປ້ອງກັນພະຍາດໂຄວິດ-19 ໂດສທຳອິດທີ່ພັດທະນາໂດຍບໍລິສັດ Sinovac ຂອງຈີນໃນລະຫວ່າງສອງມື້ທຳອິດຂອງໂຄງການສັກວັກຊີນຂອງປະເທດ.

ໃນວັນທີ 13 ມັງກອນ 2021, ລັດຖະມົນຕີກະຊວງສາທາລະນະສຸກຂອງຕຸລະກີ ທ່ານ Fahrettin Koca ໄດ້ຮັບວັກຊີນ Sinovac ພ້ອມກັບສະມາຊິກສະພາວິທະຍາສາດທີ່ປຶກສາຂອງຕຸລະກີ, ໜຶ່ງມື້ກ່ອນທີ່ການສັກຢາວັກຊີນທົ່ວປະເທດຈະເລີ່ມຕົ້ນ.

ຮອງປະທານາທິບໍດີ, ນາຍົກລັດຖະມົນຕີ ແລະ ຜູ້ປົກຄອງເມືອງດູໄບ ຂອງ ສະຫະລັດອາຣັບເອມີເຣດ (UAE) Sheikh Mohammed bin Rashid Al Maktoum

ໃນວັນທີ 3 ພະຈິກ 2020, ນາຍົກລັດຖະມົນຕີ ແລະ ຮອງປະທານາທິບໍດີຂອງ UAE ແລະ ຜູ້ປົກຄອງ Dubai, Sheikh Mohammed bin Rashid Al Maktoum ໄດ້ທວີດຮູບພາບຂອງທ່ານທີ່ໄດ້ຮັບການສັກຢາວັກຊີນປ້ອງກັນພະຍາດໂຄວິດ-19. [ຮູບພາບ/ບັນຊີ Twitter ຂອງ HH Sheikh Mohammed]

ສຳນັກຂ່າວ WAM ຢ່າງເປັນທາງການລາຍງານວ່າ ໃນວັນທີ 9 ທັນວາ 2020, ສະຫະລັດອາຣັບເອມີເຣດ ໄດ້ປະກາດການລົງທະບຽນຢ່າງເປັນທາງການຂອງວັກຊີນໂຄວິດ-19 ທີ່ພັດທະນາໂດຍກຸ່ມຢາແຫ່ງຊາດຈີນ ຫຼື Sinopharm.

ໃນວັນທີ 23 ທັນວາ, ສະຫະລັດອາຣັບເອມີເຣດ (UAE) ໄດ້ກາຍເປັນປະເທດທຳອິດທີ່ສະເໜີວັກຊີນປ້ອງກັນພະຍາດໂຄວິດ-19 ທີ່ພັດທະນາໂດຍຈີນໃຫ້ແກ່ພົນລະເມືອງ ແລະ ຜູ້ຢູ່ອາໄສທຸກຄົນໂດຍບໍ່ເສຍຄ່າ. ການທົດລອງໃນສະຫະລັດອາຣັບເອມີເຣດສະແດງໃຫ້ເຫັນວ່າວັກຊີນຂອງຈີນມີປະສິດທິພາບ 86 ເປີເຊັນຕໍ່ກັບການຕິດເຊື້ອພະຍາດໂຄວິດ-19.

ວັກຊີນດັ່ງກ່າວໄດ້ຮັບການອະນຸຍາດໃຫ້ໃຊ້ສຸກເສີນໃນເດືອນກັນຍາຈາກກະຊວງສາທາລະນະສຸກເພື່ອປົກປ້ອງພະນັກງານແຖວໜ້າທີ່ມີຄວາມສ່ຽງສູງຕໍ່ການລະບາດຂອງພະຍາດໂຄວິດ-19.

ການທົດລອງໄລຍະທີ III ໃນ UAE ມີອາສາສະໝັກ 31,000 ຄົນຈາກ 125 ປະເທດ ແລະ ພາກພື້ນ.